Ylli Manjani, ish-ministër i Drejtësisë, ka reaguar lidhur me publikimin e pagave të mijëra shqiptarëve. Manjani shkruan se është i habitur nga fakti se si Shqipëria vijon të jetë vend anëtar i NATO-s, ndërkohë që kanë dalë në pazar të dhënat e shtetit.
Në postimin e tij, Manjani ka ironizuar edhe ambasadoren Yuri Kim, të cilën e pyet nëse jemi apo jo partnerë, ndërsa më pas shkruan “nëse po, na e thuaj sa e ke rrogën”.
Postimi nga Ylli Manjani
Nuk më çudit më rrumpallhania jonë, por NATO që ende na mban anëtar të saj!?
Mesa dimë NATO nuk pranon nxjerrjen në pazar të të dhënave të shtetit!?
Ska se si. NATO nuk mund të luftojë me ushtarë, të cilëve armiku u di dhëmbë e dhëmballë dhe, qeveria u merr votën me shantazh!
Përndryshe i bie që:
ose NATO nuk na merr seriozisht, ose është organizatë drejt mbylljes dmth ska ndërmend të luftojë më askund. (ka mbushur moshën e pensionit, thoshte Donald Trump)…
Apo jo Yuri?
Si thua ti?
Jemi apo s’jemi aleatë?!
Nëse po na e thuaj vetë sa e ke rrogën…
