“Duhet ta duam vendin tonë, jetën dhe të ardhmen pasi frika, pasiguri dhe zhgënjimi po na brejnë përbrenda si një virus”.
Ky ishte mesazhi i Ipeshkvit Dodë Gjergji në meshën solemne për Krishtlindjen në Katedralen Shën Nënë Terezës në Prishtinë. Ai tha se Krishtlindjet janë festa e gëzimit dhe haresë dhe se me Krishtin mund të jetojmë me shpresën që nuk na zhgënjen kurrë.
“Frika, pasiguria dhe zhgënjimi, si një virus po na bren përbrenda. Në vendin tonë, në zemrat e shumë njerëzve dyshimi, dëshpërimi dhe humbja e shpresës kanë krijuar një hapësirë të madhe boshllëku, ku frika, pasiguria dhe zhgënjimi, si një virus po na breng përbrenda. Të gjithë ne zemërthyerit të gjejmë mishërimin dhe të rrisim shpresën, pasi ne jemi njerëz të kësaj kohe, ne jemi njerëz të këtij vendi. Le ta duam vendin tonë, le ta duam jetën tonë, le ta duam të ardhmen tonë dhe mos të mos hezitojmë për të sakrifikuar sepse vetëm frikacakët ikin nga realiteti”, u shpreh Ipeshkvit Dodë Gjergji.
Kreu i Kishës Katolike në Kosove shfrytëzoi meshën edhe për t’i drejtuar një kritikë të fortë deputetëve në vend, për aprovimin e ligjit pro abortit.
“Për turpin e tyre dhe për të fyer ndoshta të gjithë neve, parlamenti sot miratoi ligjin për abortin. Që është edhe më e trishtueshme, miratojnë ndërprerjen e jetës së fëmijëve të palindur dhe këtë akt e quajnë të drejtë. Por lere që e quajnë të drejtë, por për turpin e tyre dhe për të fyer ndoshta edhe të gjithë neve, parlamenti ynë e gjeti bash sonte që ta miratonte ligjin për abortin, megjithatë ne nuk e humbim shpresën tonë dhe këmbëngulim që të jemi ata të cilët besojnë dhe shpresojnë dhe që i binden fesë”, tha Gjergji.
