Një 35-vjeçar ka humbur jetën këtë të Shtunë në kryeqytet. Sipas policisë, dyshohet se ai ka rënë nga lartësia e një pallati, ku ishte duke punuar.
“Rreth orës 10:55, në afërsi te sheshi ‘Shqiponja’, dyshohet se aksidentalisht ka rënë nga lartësia e pallatit ku ishte duke punuar dhe për pasojë ka ndërruar jetë shtetasi R.H., 35 vjeç”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
