Ditën e sotme është publikuar një tjetër database, ai mbi targat e automjeteve, duke zbuluar pronësinë mbi makinat që qarkullojnë në Shqipëri.
Kështu pas publikimit të të dhënave sensitive, pagave të mbi 630 shqiptarëve, janë publikuar edhe informacionet snsitive të lidhura me targat e automjeteve.
Drejtoria e Transportit në reagimin e saj e hodhi përgjegjësinë mbi operatorët që kanë askses në këtë sistem, por eksperti i IT, Gent Progni, në një postim në rrjetet sociale shkruan se informacioni për targat ndodhet në 3 servera.
Sipas tij, informacioni ndodhet në serverat e DPSHTRR, AMF dhe AKSHI. Ai shkruan se nëse të dhënat kanë dalë nga serveri i DPSHTRR, atëherë janë marrë patentat dhe shenjat e gishtave.
Nëse informacioni ka dalë nga serveri i AMF, sipas ekspertit, mund të ketë rrjedhje informacioni mbi të dhënat bankare, fondet e pensioneve apo ato të investimeve.
Postimi nga Gent Progni
Skandali sa vjen dhe behet me i madh …
Informacionin per targat e kemi ne 3 – servera .
1-DPSHTRR
2-AMF (Autoriteti i Mbikëqyrjes Financiare)
3-AKSHI
Marrim rastin e pare (DPSHTRR) – nese jane marre ketu , atehere jane marre , patentat dhe shenjat e gishterinjve qe ne kemi lene ne keto institucione .
Marrim rastin e dyte (AMF) – nese jane marre ketu , atehere jane marre , te dhenat bankare , info per fondet e pensioneve dhe fondet e investimit .
Marrim rastin e trete (AKSHI) – nese jane marre nga ketu , KAQ !
