Prokuroria e Tiranës ka nisur hetimet prej mëngjesit të djeshëm lidhur me publikimin e një data base me të dhënat sensitive të qytetarëve, por edhe pagat e tyre të përmuajshme.
Sipas raportimeve, Prokuroria e Tiranës ka regjistruar procedimin penal për ”shpërdorim detyre” dhe ”ndërhyrje në sistemet kompjuterike”, ndërsa hetimet kanë përfshirë 3 institucione.
Nga raportimet mësohet se grupe hetimore po hetojnë AKSHI, ISSH dhe Drejtoria e Tatimeve.
Pak më herët ka nisur të qarkullojë po në rrjetin whats’app edhe lista e pagave të prillit 2021, e cila në dallim nga ajo e janarit, ka të shënuar edhe numrat e celularit.
Kryeministri Edi Rama në një konferencë për mediat i ka kërkuar Prokurorisë që të kryejë një hetim të thelluar, ndërsa vuri theksin se në këtë hetim duhet të përfshihet çdo inspektor që ka akses te të dhënat.
