Ylli i Home Alone, Devin Ratray, u arrestua të mërkurën me akuza për dhunë në familje pasi dyshohet se tentoi të mbyste të dashurën e tij në një dhomë hoteli në Oklahoma, në fillim të këtij muaji.
Një burim policor zbuloi se Ratray “u dorëzua” sipas Fox News. Që atëherë ai është liruar nga paraburgimi pasi ka paguar një garanci prej 25,000 dollarësh dhe i mohon akuzat. Pasi u kthyen në dhomën e tyre të hotelit në Hyatt Place Oklahoma City, Ratray dyshohet se e shtyu të dashurën në shtrat para se të vinte njërën dorë në fyt dhe tjetrën në gojë.
“Viktima kishte probleme me frymëmarrjen ndërsa po mbytej dhe ndërsa dora e të pandehurit ishte mbi gojën e saj”, sipas një deklarate nën betim. Ratray gjithashtu dyshohet se i tha asaj: “Kështu vdes ti”. Më pas e dashura e tij kafshoi dorën e Ratray-t ndërsa ajo u përpoq të bërtiste për ndihmë. Më pas ai ndaloi ta mbyste, por dyshohet se filloi ta godiste dhunshëm më pas.
Gruaja arriti të çlirohej nga duart e Ratray dhe doli me vrap nga dhoma.
