Presidentja e Kosovës, Vjosa Osmani, ka përshëndetur suksesin e filmit “Zgjoi” që hyri në listën e ngushtë të nominimit për “Oscar”. Përmes një postimi në Facebook, presidentja ka shprehur gëzimin e saj.
““Zgjoi”, filmi i Blerta Bashollit, që rrëfen historinë e heroinës Fahrije Hoti dhe grave të Krushës, nën interpretimin e shkëlqyer të Yllka Gashit dhe kastës fantastike të aktorëve tanë, është zyrtarisht në listën e ngushtë për çmimin më prestigjioz Oscars në kategorinë e filmave të huaj. Bravo”, ka shkruar Osmani në Facebook.
Sipas Variety, votimi do të përfundojë me 15 dhjetor, ndërsa të tjerët do të kalojnë në fazën e parë të votimit. Prej kësaj liste është edhe filmi shqiptar, “Zgjoi (Hive)”, i cili është propozim për në nominimet e “Oscars 2022”.
I njëjti është nën regjinë e Blerta Bashollit, derisa renditet në kategorinë e “Filmi më i mirë në gjuhë të huaj”.
