Një 43-vjeçar është arrestuar nga policia e Fierit pasi në makinë i është gjetur një sasi kanabisi.
Policia njofton se në bazë të informacioneve që kishin marrë për një automjet që dyshohej se transportonte lëndë narkotike, kanë bërë të bllokimin e automjetit dhe shoqërimin e drejtuesit për në komisariat.
Gjatë kontrollit të automjetit tip “Citroen”, efektivët kanë konstatuar se në sediljen e pasme ndodhej një çantë ku brenda saj kishte një pako me lëndë narkotike të dyshuar kanabis sativa.
Nga veprimet e para hetimore, rezulton se i ndaluari do ta shiste lëndën narkotike në doza në qytetin e Fierit.
A.I. (A), 43 vjeç, banues në Tiranë, u arrestua për veprën penale “Prodhimi dhe shitja e narkotikëve”.
