Kreu i Zyrës për Kosovë në Qeverinë e Serbisë, Marko Gjuric, ka paralajmëruar një vizitë të shefit të tij Aleksander Vuçiç në Kosovë, e cila, sipas tij, do të ndodhë brenda 20 ditësh.
Ai ka thënë se Vuçiç do të shkojë në veri, por edhe në pjesë tjera të Kosovës ku jetojnë serbët.
Pak ditë më parë, Qeveria e Kosovës ia kishte ndaluar hyrjen në Kosovë Presidentit të Serbisë Tomislav Nikoliç për shkak të arrestimit të Ramush Haradinajt në Francë sipas një fletarresti të INTERPOL-it të lëshuar me kërkesë të Serbisë.
Mbetet të shihet nëse pala kosovare do të lejojë një vizitë të tillë, sidomos pas incidentit të fundit me tren, raporton Express.
