Aktorja japoneze Sayaka Kanda ka vdekur pas rënies së pashpjeguar nga dhoma e saj e hotelit.
35-vjeçarja u gjet poshtë ballkonit të dhomës së saj në katin e 14-të në hotelin ku po qëndronte darkën e 18 dhjetorit. Ajo ishte dërguar me urgjencë në spital por u shpall e vdekur nga doktorët, raportonin mediat vendase.
Kanda nuk u paraqit për performancën në muzikalin e ‘My Fair Lady’ në një sallë të shtunën në Sapporo, kryeqyteti i ishullit verior malor të Hokkaido të Japonisë.
KolegiaTakako Matsu, tha në rrjetet sociale se ishte shtangur nga vdekja e mikeshës së saj duke thënë se “koha e kaluar së bashku do të mbetet një thesar për mua.
Përfaqësuesit e Kanda shkruanin: “Na vjen keq të japim një lajm të tillë për fansat që na kanë mbështetur gjatë gjithë kohës. Ne ende nuk arrijmë të pranojmë se ajo ka ndërruar jetë dhe po përpiqemi ta përballojmë”.
Hetimet e policisë vendase po fokusohen në faktin nëse Kanda ka vrarëveten apo humbi jetën si pasojë e një aksidenti. Ata nuk dyshojnë për faktorë të tjerë në vdekjen e saj.
Kanda, ka luajtur zërin e princeshës Anna në versionin japonez të filmit të njohur të animacionit të vitit 2013 nga Walt Disney, ‘Frozen’, dhe ishte bija e aktorit japonez Masaki Kanda, 70 vjeç, dhe e këngëtares Seiko Matsuda, 59 vjeçe.
