Investitori dhe donatori miliarder George Soros tha në një intervistë të enjten se “njerëz si unë” do të donin që presidenti i zgjedhur Donald Trump të dështojë si president.
Ai e bëri këtë koment gjatë një interviste me “Bloomberg News” në darkën vjetore me median në Forumin Ekonomik Botëror në Davos.
86-vjeçari ka qenë kohët e fundit në lajme, kur u tha se ka humbur afro 1 miliardë $ pas zgjedhjes së Trump.
“Unë personalisht jam i bindur se ai do të dështojë”, tha Soros. “Jo për shkak të njerëz si unë që do të donin që ai të dështojë. Por për shkak se idetë e tij janë në thelb vetë-kontradiktore…”.
Soros, i cili vitin e kaluar, bëri thirrje për një “sistem global të vendimmarrjes politike”, doli me forcë kundër Trump gjatë fushatës.
Soros renditet në vendin e 23-të në listën e “Forbes” të njerëzve më të pasur.
“The Wall Street Journal” ka raportuar se në përgjithësi, fondi Soros është rritur rreth 5 për qind në vit.