Ish-Ministri i Drejtësisë, Ylli Manjani e ka cilësuar nul ‘Kuvendin’ e Lulzim Bashës i cili po zhvillohet në Pallatin e Kongreseve , pasi nuk ka kuorumin.
Me ironi Manjani shkruan se në një vend që ka 2 mijë karrike vështirë se mund të ulen 5 mijë vetë, ndërsa shton se aq pak ishin në sallë sa fytyrat e gjithsecilit dukeshin mjaft qartë.
Postimi i Manjanit:
I hodha një sy lajmeve në internet.
Në Pallatin e Kongreseve ishin aq pak saqë pashë mirë disa fytyra, të cilat po i heq një e nga një nga facebook-u im.
Edhe mos harroni!
Në 2000 karrike ulen 5000 vetë. I hypin njëri-tjetrit dhe prap teprojnë 1000 në mend…
7×7 siç e dini =42.
Asnjë fjalë nuk lexova të jetë thënë kundër qeverisë. Normal, u ngelet salla bosh se janë të qeverisë shumica aty…
Nuli nul mbetet…
