Lulzim Basha ka thirrur një Kuvend në Pallatin e Kongreseve në Tiranë, në një përpjekje për të zhbërë vendimet e atij të 11 dhjetorit, ku u shkarkua si Kryetar i PD-së, me votat e mbi 4400 delegatëve.
Ndërsa nuk dihet se sa delegatë ka mbledhur në sallën e Pallatit të Kongreseve, po qarkullon një listë me emra, që nuk kalojnë më shumë se shifra 1528, për të cilët thuhet se nuk janë delegatë por janë shtuar si të tillë.
Ndërkohë një detaj që zbulohet është ajo që në sallë janë shpërndarë kartat e votimit: Pro me ngjyrë jeshile dhe Kundër me ngjyrë të kuqe.
Kartat e votimit po qarkullojnë edhe jashtë sallës ku Basha ka mbledhur mbështetësit, madje po qarkullojnë në disa nga lokalet në zonën rreth Pallatit të Kongreseve. Pritet që me këto karta të votohen pikat që Lulzim Basha do të propozojë, ndërsa në degët e PD po mbahet referendumi i anëtarësisë, për të shkarkuar edhe me parimin “1 anëtar, 1 votë”, Lulzim bashën si kryetar i PD.
