Deputeti i PD-së, Oerd Bylykbashi, i cili po ndjek nga afër procesin e referendumit në Durrës, atje ku edhe do të votojë, u shpreh se sot është një ditë e madhe për demokratët, pasi iu dha fuqia e votës.
Bylykbashi tha se ka një pjesëmarrje masive të demokratëve në procesin e votimit, ndërsa Lulzim Basha bëri shkelje të rënda statutore.
“Sot është një ditë e madhe, anëtarësisë iu kthye fuqia e votës, dhe kjo shpjegon edhe faktin se demokratët në mënyrë masive i janë drejtuar qendrave të votimit, për të ratifikuar vendimin e Kuvendit Kombëtar për shkarkimin e Lulzim Bashës”, tha Bylykbashi.
Ai u shpreh se procesi i votimit po shkon i qetë dhe normal.
