Shqipëria ka njohur këtë të Enjte kundërshtarët për edicionin 2022-2023 të Ligës së Kombeve.
Shorti për grupet u hodh në ora 18:00 në selinë e UEFA-s në qytetin zviceran Nyon.
Goglat i vendosën kuqezinjtë në një grup me Rusinë, Izraelin dhe Islandën.
Shorti nuk u tregua shumë bujar me Kosovën. Dardanët janë në një grup me Greqinë, Irlandën e Veriut dhe fituesen e çiftit Qipro-Estoni.
Grupi A3 është ai që pritet të ketë përballjet më të forta. Në këtë grup janë Gjermania, Italia, Anglia dhe Hungaria.
SHORTI LIGA A
SHORTI LIGA B
SHORTI LIGA C
SHORTI LIGA D
Kombëtaret që do të fitojnë vendin e parë në grupet e tyre në Ligën A, në qershor të vitit 2023 do të luajnë në turneun final.
Ndërsa ekipet që do të fitojnë vendin e parë në grupet e tyre në ligat B, C dhe D, do të kualifikohen në një ligë më lartë.
Klubet që do të klasifikohen në vendin e fundit në ligat A dhe B do të shkojnë një ligë më poshtë. Ndërsa katër ekipe që do të përfundojnë të fundit në grupet e tyre në Ligën C do të luajnë “play-out” në mars të vitit 2024 për të përcaktuar se cila dy prej tyre do të mbetet në Ligën C dhe cilat dy do të bien në Ligën D.
