Drita Lamaj, një militante e PD-së, tërhoqi dje vëmëndjen mediatike kur krijoi një incident te shkallët në hyrjen qendrore të selisë së kësaj partie, duke u përplasur me deputeten Albana Vokshi dhe aktivisten Evi Kokalari.
Lamaj njihet si një prej mbështetësve të Lulzim Bashës, ndërsa ajo sqaron se e mbështet atë, për faktin se njeh vlerat dhe parimet e SHBA.
Në një postim në rrjetet sociale, që Lamaj e konsideron si sqarim për opinionin publik, shkruan se SHBA flet me institucionet dhe jo me individët, ndaj dhe Amerika mbështet Lulzim Bashën dhe Partinë Demokratike.
Postimi në rrjet
SQARIM PËR OPINIONIN PUBLIK
Si pasojë e zhvillimeve të fundit në Selinë e PD-së, ndaj meje dhe familjes time janë hedhur një lumë me akuza dhe shpifje ordinere me qëllimin e vetëm demotivimin tim për të më bërë të heq dorë nga mbrojtja e pakushtëzuar për PDSH- në me struktura të zgjedhura nga një kuvend legjitim konform statutit të votuar nga delegatët dhe kryetarin e saj z. Lulzim Basha të votëbesuar nga shumica absolute e anëtarëve të saj.
Për të gjithë ato që nuk më njohin dua të bëj dy sqarime:
1. Familja ime është e persekutuar nga regjimi komunist dhe jam demokrate në gen.
Nuk erdha sot për herë të parë në Partinë Demokratike.
Si pasojë e këtij persekutimi, familjarë të mi kanë emigruar në Amerikë që prej vitit 1951 dhe i njoh shumë mirë vlerat dhe parimet mbi të cilat funksionon ky shtet kampion i lirisë dhe demokracisë botërore, aleat historik i Kombit Shqiptar, i cili para një shekulli mbrojti , pas luftës së Parë Botërore mbrojti kombin tonë nga armiqtë tanë shekullorë që kërkonin me çdo kusht ta zhduknin nga harta e Europës.
Falë SHBA-së dhe NATOS e kemi sot Kosovën të lirë dhe të pavarur, të cilët mbështetën UÇK-në e lavdishme për realizimin e ëndrrës shekullore të çlirimin nga regjimi i Millosheviçit të popullit shqiptar që banon në trojet e vete në Dardaninë antike prej mijëra vitesh.
E njoh dhe e çmoj shumë kontributin e mikut në ditë të veshtira dhe mbrojten e vlerave të lirisë dhe demokracisë të popujve të shtypur nga regjimet diktatoriale e neodiktatoriale nëpër botë, prandaj jam kundër çdo personi që flet dhe abuzon në emër të Amerikës.
Kam mësuar se ajo njeh dhe flet me institucionet dhe jo me individë.
Pra, kjo është Amerika, ajo që njeh dhe mbështet Partinë Demokratike dhe Lulzim Bashën.
2. Nuk kam punuar asnjëherë në Bashkinë e Tiranës, për më tepër pastruese. Ju garantoj se edhe nëse do kisha punuar do e pranoja publikisht pasi për mua puna është nder. E vërteta është se në shtet kam punuar vetëm 7 vjet gjatë qeverisjes së PD dhe kjo si administratore në Qytetin Studenti. Madje, e larguar nga puna për motive politike.
Kjo është Drita Lamaj dhe jo ajo që u përpoqën të më baltosin dje disa njerëz që u ka humbur logjika dhe nuk shohin drejt realitetin. Mbështetja ime ndaj PDSH-së dhe Lulzim Bashës ka qenë konstante këto 8 vite të drejtimit tij në Partinë Demokratike dhe do vazhdojë të jetë e tillë. Drita Lamaj nuk paguhet për me qenë demokrate sepse ajo ka lindur e tillë. Kam qenë, jam dhe do të jem si te PD-ja ashtu dhe te Selia saj.✌🇦🇱✌🇺🇲
