*Nga Paulin Marku
Është koha dhe momenti për reflektim nga ju z.Basha.
E habitshme ,por një realitet i vertetë dhe shumë i hidhur për një parti opozitare e themeluar në kushtet e e ndryshimeve politike të rrëzimit sistemit më të egër në europë gjendet sot para një krize reale dhe shumë të rrezikshme për demokracinë shqiptare në përgjithësi dhe për opozitën në veçanti.
1.Kriza që po shfaqet sot para demokratëve dhe qytetarëve shqiptarë nuk është një rastësi e kohës dhe e momentit ,por janë gabime në këto 8-vite ,të përfaqësimit politik ,abuzimit me pushtetin politik, mos respektin ndaj anëtarësisë ,të cilët i nënvlerëson duke i quajtur të vegjël, llum, antiamerikan ,të korruptuar ,si dhe vendimarrjes individuale politike .
2.Lidershipi politik ka përgjegjësinë dhe detyrën politike ,institucionale, morale që të mos bëhet pjesë e krizës ,por të afrojë dhe të japë alternative pozitive dhe të dobishme në interes dhe funksion të zgjidhjes krizës politike, jo duke përjashtuar pa fund bashkëpunëtorët tuaj ,por duke i hapur rrugë bashkimit të anëtarësinë.
3.A mund të jetë i suksesshëm dhe i dobishëm një lider ,kur është i shkëputur nga realiteti politik ,anëtaresia e vet ,situata politike aktuale, kur vendimarrja kthehet individuale, mendimet ndryshe quhen përjashtuese dhe të dëmshme .
4.Lideri politik duhet të jetë i besueshëm para anëtarësisë së vet,besimi vjen para anëtareve kur aksionet politike dhe qytetare kanë objekt, mision dhe realizim praktik të premtimeve dhe aksionit opozitar, jo ndryshime të njëpasnjëshme dhe pa rezultate konkrete për anëtarësinë .
5.Bashkëpunimi, puna në grup dhe organizimi praktik janë element kryesorë që rrisin dhe forcojnë lidershipin, japin shpresë dhe motivim në realizimin real të misionit të kësaj partie politike.
6. Suksesi i një lideri varet nga vizioni i tij për të ardhmen, rregullat e komunikimit, mënyra e sjelljes, aftësia për të krijuar diçka të re, bashkëpunimi, fryma e grupit, zotësia për vendimmarrje, mbështetja e stafit, ngritja e nivelit professional dhe motivimi.
7.Kuvendi dhe bashkëbisedimi me anëtarësinë është kusht dhe domosdoshmëri ,jo vetëm në kohë zgjedhjesh apo fushatash elektorale, por në çdo kohë dhe moment kur mbështetësit dhe anëtarësia e partisë kanë probleme, shqetësime apo pakënaqësi.
8.Ndarja në fronte të ndryshme politike mes llojit,mos afrimi i alternativave zgjidhëse në interes të bashkimit ,nuk bën asgjë tjetër ,veçse shërbim pushtetit të pozitës dhe përçarje të opozitës.
9.Lidershipi jo i vertetë dhe fallso, të bën të jesh i pamatur dhe i papërgjegjshëm me pushtetin politik ,vendosjen e një sërë detyrash false përpara njerëzve të besueshëm, përdorimin e pushtetit për të shmangur realitetin, por që nuk kanë asgjë të përbashkët me progresin e cila sjell një tendencë për të dominuar me anë të pushtetit.
10.Lidershipi politik nuk duhet të promovojë individë që janë të dëmshëm për partinë politike, axhenda personale e të cilëve është në kundërshtim me subjektin politik, njerëz me personalitete të paqëndrueshme. nën përformancën e duhur ,individë me hakmarrje individuale ,të paaftë dhe me interesa personale.
Opozita është vlerë demokratike dhe duhet mbrojtur me çdo kusht dhe pa interesa !
*Anëtar Keshilit Kombetar të PDSH-së
