Universiteti i Tiranës njofton studentët e vet se procesi mësimor vijon normalisht në auditorët e të gjitha fakulteteve të UT-së.
Universiteti i Tiranës e përcolli konfirmimin e vijimit të mësimit në auditorë, pasi gjatë ditës së sotme, në rrjetin WhatsApp ka qarkulluar një njoftim sipas të cilit Universiteti do të vijojë procesin mësimor online.
“Ky është një informacion i pavërtetë! Gjejmë rastin të theksojmë se informacionet dhe lajmet zyrtare të Universitetit të Tiranës shpërndahen vetëm në faqen zyrtare të internetit të Universitetit të Tiranës; në faqet zyrtare të Fakulteteve të UT-së dhe në faqet tona zyrtare në rrjetet sociale”, thuhet në njoftimin e UT-së.
UT thekson se mësimi vijon me prezencë fizike në auditorë në të gjitha fakultetet e Universitetit të Tiranës.
