Një autobus i linjës së Kamzës është përplasur me një furgon shkolle këtë të enjte në zonën e Laprakës në kryeqytet.
Sakaq bëhet me dije se 4 nxënës kanë marrë lëndime të lehta dhe po marrin ndihmën e nevojshme mjekësore në QSUT. Aksidenti shkaktoi për disa minuta bllokim trafiku në rrugën “Dritan Hoxha”.
Burime thanë se aksidenti ndodhi si shkak i një manovre të gabuar të furgonit që transportonte fëmijë shkolle. Lëvizje që i ka prerë rrugën autobusit.
