Reshjet e dendura të shiut kanë krijuar probleme të shumta veçanërisht në fshatrat e Qarkut të Vlorës dhe Fierit, që preken nga lumi Vjosa, i cili të dalë nga shtrati.
Përmbytje kanë ndodhur edhe në Çerven dhe Ferras, ku raportohet për disa banesa nën ujë.
Deri më tani Emergjencat Civile kanë evakuuar dy familje në Çerven, banesat e të cilave ndodhen në shtratin e lumit.
Ndërkohë në gatishmëri janë vënë edhe Forcat e Ushtrisë dhe pritet që të evakuohen disa familje në Ferras. Prurjet janë të konsiderueshme, por mendohet që pas mesdite niveli i ujit të bjerë.
Banorët shprehen se kjo nuk është hera e parë që shtëpitë e tyre përmbyten.
“Çdo vit kjo punë është. Edhe para tre vitesh u mbytëm dy orë. Erdhi që në 03.30 brenda. Komplet brenda uji.”
