Kuvendi Kombëtar i PD-së votoi në mënyrë unanime përbërjen e komisionit që sipas statutit të ri të PD-së të miratuar më herët, do të drejtojë në mënyrë të përkohshme partinë deri në zgjedhjen e kryetarit të ri.
Komisioni i ri ka 29 anëtarë.
Përbërja e komisionit
Agron Shehaj, Albana Vokshi, Aldo Bumçi, Arben Ristani, Belind Këlliçi, Blendi Himçi, Bujar Nishani, Çlirim Gjata, Edith Harxhi, Edi Paloka, Edmodn Spaho, Enno Bozdo, Ervin Minollari, Evi Kokalari, Flamur Noka, Genc Deromemaj, Genc Pollo, Genti Strazimiri, Rrigels Muçollari, Ivi Kaso, Kletis Kruja, Klevis Balliu, Ledina Mandia, Luan Baçi, Lorenc Luka, Mimoza Hadarmataj, Oerd Bylykbashi, Sali Berisha, Tritan Shehu.
Delegatët e Kuvendit të PD votuan edhe shkarkimin e Sekretarit të Përgjithshëm të PD-së, Gazment Bardhi si edhe të tre nënkryetarëve, Grida Duma; Jorida Tabaku dhe Enkelejd Alibeaj. Shkarkimi i tyre u bë me argumentin se nuk ishin zgjedhur sipas statutit të partisë.
Po ashtu, u miratua propozimi për shpalljen e Azem Hajdarit, kryetar nderi të Partisë Demokratike, si edhe për të votuar shkarkimin e Lulzim Bashës nga drejtimi i PD-së.
