Kryedemokrati Lulzim Basha ka bërë një tjetër lëvizje për të zbehur Kuvendin Kombëtar të thirrur nga Sali Berisha gjatë ditës së nesërme.
Basha ka ftuar demokratët në seli nesër në orën 12:00 për të festuar 11 Dhjetorin ditëlindjen e PD, të cilën e ka cilësuar si ditën kur vlerat dhe liria e shqiptarëve triumfuan mbi gjithçka.
Ndërkohë që ish-kryeministri Sali Berisha ka thirrur Kuvendin Kombëtar në ‘Arenën Kombëtare’ e cila do të nisë në orën 10:00 paradite.
“Demokracia u transformua nga një koncept në një ideal të pathyeshëm më 11 dhjetor 1990, në ditën kur vlerat dhe liria e shqiptarëve triumfuan mbi gjithçka. Le të kremtojmë sëbashku në këtë ditë të shënuar”, thuhet në ftesën e Lulzim Bashës për demokratët.
