Reshjet e shiut përmbytin Vlorën. Igjeum paralajmëroi pak orë më parë se Vlora ishte një nga qarqt që rrezikohej nga përmbytjet për shkak të lumit Vjosa, por në fakt qyteti u përmbyt nga reshjet e shiut.
Nga raportimet mësohet se rruga te Albano, Romina dhe rruga pranë bibliotekës publile Shefqet Musaraj, janë të mbushura me ujë.
Gjithashtu reshjet e shiut kanë shkaktuar një bllokim të rrugës Orikum-Vlorë për shkak të rrëshqitjeve të dherave. Raportohet se automjetet e kanë të pamundur të qarkullojnë në këtë aks.
Ndërkohë pasagjerët e tragetit të linjës Vlorë-Brindizi kanë ngelur të bllokuar në det pasi për shkak të kushteve të motit nuk arrin të ankorohet në port.
