Vllaznia mbrëmjen e djeshme arriti të triumfonte me rezultatin minimal 1-0 ndaj Partizanit në stadiumin “Loro Boriçi”, falë golit të Liridon Latifit.
Pas kësaj fitoreje ishte pikërisht trajneri i portierëve të skuadrës shkodrane, Ideal Lekiqi i cili ka ironizuar Partizanin dhe Ilir Dajën ku nëpërmjet “Story”-t të profilit të tij në rrjetin social “Instagram” ka shkruar se golat bëhen me topa brenda fushe dhe topi në fushë nuk mungoi:
“Të gjesh alibi që munguan topat jashtë fushe më duket aq edhe qesharake. Po mesa di unë golat bëhen me topat brenda fushe dhe topi në fushë nuk mungoi asnjëherë sa mbaj mend unë.”, shkroi trajneri i portierëve të Vllaznisë.
E gjitha kjo vjen sepse Ilir Daja ka thënë pas ndeshjes se topat u zhdukën në mënyrë që ritmi i lojës të binte ndjeshëm dhe të vonohej loja.
