Gjykata e Apelit Tiranë la në fuqi pezullimin nga detyra të dy zyrtarëve të Ujësjellësit në Krujë dhe shefin e shërbimit të Epidemiologjisë në njësinë vendore të Krujës, të akuzuar për “Shpërdorim detyre”.
Sipas Prokurorisë, Ledio Çela, Andi Kupa dhe Ervin Karafili, me veprimet dhe mosveprimet e tyre kanë lejuar ndotjen e ujit të pijshëm.
Me qindra qytetarë shkuan për ndihmë mjekësore në spitalin e Krujës me shenja helmimi javën e fundit të Tetorit. Pas analizave të kryera nga ISHP rezultoi se helmimi është shkaktuar nga një bakter në ujin që shkonte në rrubinetat e banesave të qytetarëve krutanë.
