Një aksident ka ndodhur këtë të Mërkurë në vendin e quajtur “Kthesa Kice”, në aksin rrugor Bulqizë-Peshkopi, ku për pasojë është plagosur drejtuesi i një automjeti.
Shoferi i një automjeti tip fuoristradë dyshohet se ka humbur kontrollin dhe është përmbysur në rrugë.
Sipas burimeve policore, ky aksident ka ndodhur si pasojë e ngricave në rrugë, ku mëngjesin e sotëm në Bulqizë janë ulur ndjeshëm temperaturat.
I plagosuri, identiteti i të cilit nuk dihet, ka marrë dëmtime të lehta dhe ndodhet jashtë rrezikut për jetën.
