Një i ri u arrestua nga policia e Lezhës mbrëmjen e djeshme, pasi në makinë iu gjet një sasi droge.
Në pranga u vu Vlash Shahini, 24 vjeç, banues në fshatin Merqi-Lezhë.
“Ky shtetas është kapur në flagrancë gjatë operacionit, nga specialistët për Hetimin e Narkotikëve dhe Trafiqeve të Paligjshme në DVP Lezhë, pasi me automjetin e tij tip ‘Audi’, po transportonte në drejtim të Tiranës, 20 kilogramë e 600 gramë lëndë narkotike cannabis sativa, me qëllim shitjen e saj”, njoftoi policia.
