Një 30-vjeçar ka rënë në prangat e policisë së Lezhës për armëmbajtje pa leje.
Policia e Lezhës vijon kontrolle Blic në gjithë Qarkun në kuadër të zbatimit të planit të masave për rritjen e parametrave të sigurisë publike, goditjen e veprimtarisë kriminale të narkotikëve dhe armëmbajtjes pa leje, si dhe kapjen e personave të shpallur në kërkim.
“Si rezultat u arrestua në flagrancë shtetasi Bledar Sula , 30 vjeç, banues në Lezhë Gjatë kontrollit të befasishëm të ushtruar në një lokal ku ndodhej edhe shtetasi Bledar Sula, në momentin që ka parë efektivët e policisë, ky shtetas ka lëvizur me shpejtësi tek tualeti i lokalit ku ka hedhur nga dritarja armën e zjarrit pistoletë Bereta të cilën e mbante pa leje. Menjëherë efektivët e policisë kanë bërë kontrollin e vendit përreth ku kanë gjetur dhe sekuestruar armën e zjarrit dhe 13 (trembëdhjetë) fishekë në cilësinë e proves materiale”, thotë policia.
WhatsApp Video 2017-01-18 at 11.08.24 by revistaime
