Al Jazeera njoftonte sot mbi arrestimin e bosit të mafias turke dhe kundërshtarit të Erdoganit, Sedat Peker. Por, më vonë është rindërtuar informacioni dhe u dha versioni për një arrestim të mundshëm të Pekerit.
Turqia ka kërkuar ekstradimin e Peker, i cili pak muaj më parë ka bërë një seri akuzash kundër zyrtarëve të qeverisë turke dhe të qeverisë në territoret e pushtuara. Ai u vu në shënjestër kryesisht nga ministri i Brendshëm turk, Suleyman Soylu.
Peker nuk e ka përdorur llogarinë e rrjeteve sociale në të cilën ai ngarkoi pretendimet e tij me video, që nga 24 nëntori.
Vlen të theksohet se informacioni fillestar për arrestimin e Pekerit, i cili nuk u verifikua, përkoi me vizitën e sotme të Rexhep Tajip Erdogan në Katar. Në fakt, përpara se të nisej për në Katar, Erdogan tha se Ankaraja dëshiron të zhvillojë marrëdhëniet e saj me vendet e Gjirit “pa diskriminim”.
Përveç kësaj, artikulli i Al Jazeera kujton vizitën e fundit të Sheikh Mohammed bin Zayed Al Nahyan në Ankara, i cili u takua me Erdoganin dhe nënshkroi “marrëveshje shumë miliarda dollarësh”.
