Degët e Partisë Demokratike Berat, Poliçan e Dimal kanë zyrtarizuar sot emrat e delegatëve të tyre për Kuvendin e 11 Dhjetorit.
Lista me emrat e delegatëve u lexua nga përfaqësues të degëve përkatëse përpara selisë së Partisë Demokratike Berat.
Nga dega e Beratit kanë firmosur për në Kuvendin e 11 Dhjetorit, 125 ndër 198 delegatë, pra 63% e delegatëve së kësaj dege.
Kundër Kuvendit të 11 dhjetorit kanë dalë kryetari i degës Berat, Gazmend Azizi dhe dy deputetet e Beratit Tomor Alizoti dhe Kasem Mahmutaj.
“Kanë firmosur nga 198 delegatë, 125 ose 63% të delegatëve. Nga kryesia kanë firmosur 23 veta, mes të cilëve janë dhe Agron Isufi, Bledar Seiti, Kreshnik Kurti, Ervis Shpata, Laura Doko, Ilir Shqapa, Erion Liko”, thotë përfaqësuesi i degës së PD në Berat.
Po kështu nga dega e Poliçanit kanë firmosur 12 nga 34 dhe nga dega Dimal kanë firmosur 21 nga 46.
