Në emisionin “Komiteti” – i drejtuar nga Berat Buzhala, gazetari Armand Shkullaku ka folur për njërin ndër problemet më të mëdha në Shqipëri, plantacionet e narkotikëve.
Ai ka thënë se Qeveria e kaluar, që udhëhiqej nga ish-kryeministri i Shqipërisë, Sali Berisha, kishte provuar të luftonte mbjelljen masive të kanabisit, duke provuar të bllokonte zonën e Lazaratit.
Ndërsa, sipas Shkullakut Shqipëria me krye në Ramën u kthye e gjithë në Lazarat, dhe kryeministri nuk e luftoi por e legalizoi atë.
Gazetari në “Komiteti” ka thënë se pronarët e tokave me kanabis kanë korruptuar edhe Policinë, disa prej krerëve të së cilës, sipas Shkullakut marrin pjesë nga këto toka.
Sipas tij, shteti dhe trafikantët e drogës janë bërë një palë, prandaj edhe është e pamundur që të luftohet kjo dukuri në Shqipëri. /Express/
