“Lulzim Basha është një ministër i pashpallur i Qeverisë Rama”, u shpreh ish-Kryeministri Sali Berisha nga Devolli, atje ku po zhvillon Foltoren e rradhës.
Berisha tha se Foltorja është magneti i së vërtetës, sepse këtu flasin njerëzit e lirë.
“E dini ju që Parlamentin se ndjek askush më, madje një ditë kur dolën në të njëjtën ditë, në të njëjtën orë, Edi Rama, Lulzim Basha dhe Ambasadorja Kim, foltorja pati 5-fishin e ndjekshmërisë se të tre sëbashku”, tha Berisha.
Ish-Kryeministri u shpreh se Basha ka 5 muaj që ka takuar vetëm kryetarin e PD Durrës me dy anëtarë dhe nuk takon asnjë tjetër përveç atyre që i shkojnë në zyrë. Dhe tani në një akt papërgjegjshmërie, përderisa firmat po flasin vetë çdo ditë dalin dhe lexojnë emrat e delegatëve, i tmerruar nuk thotë më nuk firmat janë, por nuk i njof firmat dhe tenton të thërrasë antikuvendin në datë 18 për shoqatën Basha-Bardhi.
“E gjithë propaganda e qeverisë është turrur në mbrojtje të peëngur të kreut të meduzës. Të gjithë analistët dhe qeveritarë me në krye Baton ‘Staniqiçin’, nga mëngjezi në darkë merren me mbrojtjen e tij. Është dhe një grup i vockël të cilët ja kanë shitur shpirtin djallit pra xhepit të tyre, dhe tërë javën vjellin vrer dhe të premten shkojnë në xhami për të larë mëkatet por në fakt futen mëkatar dhe dalin mëkatar. Janë në grahmat e fundit të Ramës dhe peng Bashës për të shuar pluralizmin, por dje ka qënë një ditë e rëndë për demokracinë. Votuan me 110 vota të gjithë bashkë me urdhërt të Bashës kontratën për vaksinën, një kontratë e kritikuar gjerësisaht nga mediat e huaja specifikisht për Shqipërinë”, tha Berisha.
