Ish-Kryeministri Sali Berisha, nga Devolli atje ku po zhvillon “Foltoren”, u shpreh se më 11 dhjetor nuk do të ketë vetëm një rithemelim të Partisë Demokratike, por edhe të pluralizmit politik. Berisha tha se Foltorja u shndërrua në mrekullinë e dytë të Shqipërisë nga 1990 deri më sot.
Të pranishëm në këtë foltore janë, kryetari i dëgës Ersekë Albert Miza, ish-deputeti Florjon Mimo, ish-deputeti Klevis Balliu, deputeti Edmond Spaho, ish-presidenti Bujar Nihani, ish-deputetja Elena Qirici, Viktor Duro kryetar i degës, ish-kryetari i komunës
Berisha tha se Foltorja bashkoi rreth vetes qindra e mijëra demokratë, më shumë se çdo lëvizje tjetër demokratike në histori. “Shqiptarët shohin te kjo lëvizje shpresën e tyre të vërtetë, idealet e tyre në veprim, besimin se Shqipëria do të çlirohet nga narko shteti”, tha ish-Kryeministri.
Ai tha se, sipas miqve të huaj të Shqipërisë, Foltorja është shndërruar në zhvillimin më pozitiv të viteve të fundit.
Berisha tha se shqiptarët u ngritën mbi presionet e mëdha të narko-shtetit, pengut të narko-shtetit dhe presioneve të tjera krejt të pamerituara.
“Në 11 dhjetor inaugurojmë sëbashku momunmentin madhështor të rithemelimit të PD dhe pluralizmit shqiptar. Do e shndërrojmë PD në partinë e interesave të kombit shqiptar, të inisiativës së lirë, të mbrojtjes së dinjitetit.
Pas humbjes së zgjedhjeve të 25 prillit humbëm çdo shpresë”, tha Berisha.
