Një 24-vjeçare ka shokuar me historinë e jetës së saj dhe kalvarin e një martese të dhunshme, e cila ka kulmuar me marrjen e vajzës së mitur.
Brikena Islamaj, ishte sot protagoniste e emisionit “Me Zemër të Hapur” në ‘News24″, ku rrëfeu momentin kur gjykata vendosi që vajza të jetë në kujdestarinë e babait, i cili jeton në Itali.
Islamaj ka rrëfyer se ishte vetëm 15 vjeçe kur u fejua me ish-burrin e saj, e më pas shkoi në Itali. Por këtu nisi kalvari i vuajtje për të…
Pjesë nga intervista:
Kush të prezantoi me ish-burrin tënd?
Kam qenë shumë e vogël, 15 vjeç kur humba babain. Ta kisha atë do isha shumë e lumtur. Nuk kishim miqësi me ish-vjehrrin tim. Më kërkoi të fejoheshim. U fejuam në mars, unë jetoja me mamanë time. Kam dy motra. Unë jam motra e mesit. Motra e madhe ishte martuar.
Bënë prezantimin e djalit?
Po e bënë. Më tha që djalin e kam në Itali, punon mekanik. Unë kisha qejf që të vazhdoja shkollën. U njohëm në maj, ika në qershor.
Si u njohët?
Ishte njohje e shpejt. Që kur e pash, kisha frikë. Më ngjalli frikë, si njeri pa shpirt.
Pse e pranove?
..Hesht.
S’ke arsye?
Skam.
Sa u njohët para se të martoheshit?
Tre kafe.
Sa zgjasnin këto biseda?
3-4 orë.
Dmth ju në total para se të martoheshit jeni takuar vetëm 24 orë?
Po vetëm aq. Kemi folur dhe në telefon. Kur nuk ja hapja telefonin, më thoshte ku je. Ishte i dhunshëm.
