Ish-Kryeministri Sali Berisha, nga Tropoja ku po zhvillon Foltoren e rradhës, u shpreh se Lulzim Basha dhe një grup derdimenësh, po mundohen të mbledhin firma, duke premtuar poste drejtorësh dhe zv.ministrash në Qeverinë Rama.
“Shkoni hyni në Qeveri me Ramën, por do ju përmbysim si tradhëtarë, bashkë me të”, u shpreh Berisha. Ish-Kryeministri deklaroi se shumë shpejt kjo qeveri do të rrëzohet, bashkë me tradhëtarët.
Berisha i ka kërkuar të falur demokratëve që nuk ka nisur më parë lëvizjen, ndërsa u shpreh se në 2017 i kishte kërkuar Bashës dorëheqjen.
“Duhej të kisha hyrë në garë me të që në 2017”, u shpreh Berisha.
Ai tha se Kuvendi i 11 dhjetorit është Kuvendi i demokratëve, i njerëzve të lirë, që kanë firmosur dhe iu bashkuan thirrjes për ta bërë Partinë Demokratike më të hapur se kurrë, më të fortë se kurrë.
