Një e re është shtruar në spitalin Chivasso (Torino, Itali) pasi u hodh nga një makinë në lëvizje dje pasdite.
Vajza me iniciale D.C., 27 vjeçe me origjinë shqiptare dhe banuese në Torino, kishte hipur në një makinë me një burrë që i vodhi çantën e dorës dhe më pas e shtyu nga makina që qarkullonte me shpejtësi, raportuan mediat italiane.
E reja i tha policisë, se hipi në makinën e një personi me të cilin kishte “marrëdhënie pune”. Sipas mediave lokale, vajza punonte si prostitutë. Por, pas disa kilometrash, klienti i vodhi çantën dhe më pas e shtyu nga makina. Vajza goditi kokën në asfalt dhe raportohet se ka pësuar edhe të nxira në njërën këmbë.
Policia është në kërkim të autorit.
