Kreu i PD, Lulzim Basha, i ftuar në Abc news ka folur për Kuvendin e PD të 18 Dhjetorit të thirrur prej tij dhe atë të 11 Dhjetorit të thirrur nga Sali Berisha.
I pyetur nga moderatorja nëse do të përballej me Sali Berishën në Kuvendin e 18 Dhjetorit, nëse ai do të bëhej pjesë, Basha tha se ish-kryeministri e ka betejën me SHBA-të dhe jo me kreun e PD.
‘Kuvendi Kombëtar i datës 18 Dhjetor ka një rend dite të caktuar. Berisha nuk e ka përballjen me mua, e ka përballjen me SHBA-të’, tha Basha.
