Një sulm me thikë raportohet të ketë ndodhur ditën e sotme në Selanik, në rrugën Dafnis 3.
Mediat e huaja raportojnë se një 50-vjeçar ka debatuar me një grua 40-vjeçare dhe me djalin e saj 19-vjeçar.
Mësohet se debati ka agravuar dhe 50-vjeçari i ka sulmuar ata me thikë, e si pasojë kanë mbetur të plagosur rëndë nënë e bir, dhe janë dërguar me urgjencë në spital.
Ky është sulmi i dytë në Selanik brenda ditës, pasi po gjatë mëngjesit të sotëm ndodhi një ngjarje kriminale ku një burrë vrau me thikë gruan e tij.
