Deputeti dhe ish-gazetari ka folur për mediat jashtë Parlamentit për të sqaruar pasurinë e tij prej 1.1 miliardë Lekë, pas nisjes së hetimit nga ILDKP-ja.
“E gjitha çfarë ka ndodhur këto tre ditë s’ka qenë betejë me të vërtetën e PD. Sepse po të ishte me të vërtetën, në 4 ditë vetëm foli politika dhe nuk tha asgjë. Nuk tregoi asnjë gjë, asnjë provë. Dhe nuk ishte vetëm një betejë politike por edhe asnjë betejë morale.
Sepse po të ishte, gazetarët të paktën të shkonin tek pronarët e tyre dhe të pyesnin kur punonte te Vizon Plus pse e ka pasur 10 milionë lekë rrogë, kur punonte te Klani sa e kishte rrogën, kur punonte tek Koha Jonë sa e kishte, kur punonte tek Ora News sa e kishte e kështu me radhë. Por çfarë beteja ka qenë kjo? Është beteja e ziliqarëve për paratë e mia. Do doja t’i justifikoja por nuk i justifikoj dot. Ju nëse do donit mund të vinit të më kontaktonit mua, kolegun tuaj me të cilin keni punuar 20 vjet.
Unë i kam patur gati dokumentet. Do doja shumë t’ia jepja këto dokumente sot, por ILDKP ka vendosur të nisë hetimet sot dhe nuk mund t’i jap, por do t’i dorëzoj në ILDKP. Alfred Peza kur ishte në media ishte i adhuruar nga të gjithë, sapo hyra në politikë u bëra delja e zezë. Pasuria e Alfred Pezës sapo hyra në politikë është shtuar me 0 Lekë, përveç të ardhurave nga bizneset apo paga si deputet”.
“Do doja t’i justifikoja por nuk i justifikoj dot sepse është bërë një betejë e paprinciptë. Nëse do donit, do kishit ardhur të më kontaktonit mua, ish-kolegun tuaj. Unë si gazetar i vjetër do ju kisha mirëpritur se i kisha bërë gati dokumentet. Deklarata e pasurisë 2015-2014-2013 e më parë. Deklarata e pasurisë së bashkëshortes sime, Mirela Ndini, miliarderja më e madhe këtij vendi që nga viti 2004. Pse nuk erdhi asnjë gazetar, asnjë analist nga ata të shquarit që iu është ngrënë haku.
Do doja shumë t’jua jepja këto dokumente sot, por ILDKP ka vendosur të nisë sot hetimet. Do doja t’ju tërhiqja vëmendjen për diçka. Jam një burrë 50 vjeç, kam që në vitin 1988 që punoj, bashkë me gruan kemi 51 vite që punojmë. Do doja t’ju sillja deklaratën e zotit Lulzim Basha
300 mijë dollarë më shumë se unë se 3 vjet, kur ishte 30 vjeç. Alfred Peza kur ishte në media ishte nga më të adhuruarit, gazetar nga më të kërkuarit, analist.
Pasuria e familjes së Alfred Pezës, pas 2013-ës kur Alfred Peza ka hyrë në politikë, është zero lekë. Përveç të ardhurave nga interesat bankare. Çfarë beteje qenka kjo që nuk është as morale por as për të vërtetën. Është beteja përtej politikës”.
