Policia e Tiranës arrestoi një 29-vjeçar pasi gjatë kontrollit në banesën e tij iu gjetën një sasi lënde e dyshuar narkotike e llojit kokainë.
Sipas njoftimit të policisë, i arrestuari është shtetasi A.H, pasi gjatë kontrollit në banesën e tij janë sekuestruar rreth 21.000 Euro dhe rreth 273.000 lekë të dyshuara të përfituara nga shitja e lëndës narkotike.
Në cilësinë e provës materiale policia ka sekuestruar edhe një peshore elektronike që dyshohet se shërbente për ta ndarë në doza të vogla sasinë e kokainës.
Njoftimi i policisë Tiranë:
“Specialistët e Seksionit për Hetimin e Narkotikëve në bashkëpunim me Komisariatin e Policisë Nr.3, bënë arrestimin në flagrancë të shtetasit A. H., 29 vjeç, pasi në rrugën “Dritan Hoxha”, gjatë kontrollit të ushtruar në banesën e tij, iu gjetën dhe sekuestruan në cilësinë e provës materiale një sasi lënde e dyshuar narkotike e llojit kokainë, shuma parash rreth 21.000 Euro dhe rreth 273.000 lekë (të dyshuara të përfituara nga shitja e lëndës narkotike) dhe një peshore elektronike” njofton policia.
