Një aksident i rëndë ka ndodhur në orët e para të mëngjesit të 28 nëntorit, ndërsa raportohet për një viktimë dhe 3 të plagosur në gjendje të rëndë.
Në aksident u përfshi një autoambulancë e qendrës shëndetësore Fushë Krujë, që është përplasur me një mjet tip “Golf 5”.
Aksidenti ka ndodhur në vendin e quajtur kthesat e Rinasit. Autoambulanca ishte nisur nga qendra shëndetësore Fushë Krujë në drejtim të Tiranës, për urgjencë mjekësore.
Sipas të dhënave paraprake, si pasojë e aksidentit ka humbur jetën pacjentja që ndodhej në autoambulancë, ndërsa janë plagosur 3 persona të tjerë, që janë transportuar në gjendje të rëndë te Spitali i Traumës.
Shkaqet e këtij aksidenti fatal mbeten ende të paqarta.
