Një shpërthim ka ndodhur mbrëmjen e sotme në një pallat në Fier. Nuk raportohet për të lënduar.
“Rreth orës 21:40, në lagjen ‘8 Shkurti’ në katin e katërt të një pallati, në afërsi të derës së jashtme të banesës së shtetasit A. H., (në të cilën nuk banon njeri pasi ndodhen jashtë shtetit) ka plasur një sasi e vogël dyshohet lënde plasëse. Për pasojë është dëmtuar dera e kësaj banese”, njoftoi policia.
Grupi hetimor nën drejtimin e Prokurorisë Fier po vijon punën për zbardhjen e ngjarjes, identifikimin dhe kapjen e autorëve, shtuan të njëjtat burime.
