Vajza e Ylli Salës, biznesmenit që u dhunua ditën e djeshme në fshatin Labinot Fushë në Elbasan, ka rrëfyer ngjarjen e rëndë dhe motivet e vërteta që qëndrojnë pas saj.
50-vjeçari Sala përfundoi i gjakosur dhe me plagë të rënda, në repartin e Traumës, por, ndryshe nga sa u raportua se sherri ka qenë për një kanal të ujërave të zeza, mësohet se shkaku i dhunimit të biznesmeni është një tjetër.
Në një prononcim për Klan, vajza e tij, Suzana Sala, 26- vjeçe tha se nuk është dhunuar vetëm babai i saj, por e gjithë familja është në spital, nëna, motra dhe vëllai.
“Vetëm unë kam shpëtuar pa u dhunuar, të gjithë pjestarët e familjes janë në spital”, thotë ajo.
Për Klan, Suzana u shpreh se konflikti është i hershëm dhe ka të bëjë më një biznes privat , pronari i së cilës do të zbrazë gjithë mbetjet e fabrikës së tij para karburantit të familjes së saj. Ky konflikt ka kohë që ka nisur dhe madje është raportuar si problem në Bashkinë e qytetit të Elbasnait, por askush nuk është përgjigjur.
Madje Suzana tregon se babai dhe familjarët e saj janë gjuajtur me armë.
