Të mërkurën, 24 nëntor, NASA do të nisë një mision, qëllimi i të cilit, do të jetë ndryshimi i orbitës së një asteroidi. Kjo do të realizohet duke e përplasur asteroidin me një anije kozmike.
Kjo do të jetë hera e para që njerëzimi do të përpiqet që të ndërhyjë në lëvizjen gravaticionale të sistemit diellor.
Anija kozmike me peshë 610 kg do të niset nesër nga baza në Kaliforni. Synimi i saj është sistemi Didymos, disa asteroide me diametër nga 163 metra deri në 780 metra.
Plani është që përplasja të ndodhë kur t’i afrohen Tokës, mes datave 26 shtator dhe 1 tetor 2022, pasi do të gjenden rreth 6.8 milje larg.
E gjitha do të jetë një test për sistemin e mbrojtës së planetit që do të ndihmojë njerëzimin që të mos ketë të njëjtin fund si dinozaurët.
Toka po bombardohet në mënyrë konstante nga pjesë të vogla mbetjesh nga hapësira, por zakonisht ato digjen ose thyhen para se të arrijnë sipërfaqen.
Shumë rrallë ndodh që ndonjë pjesë me madhësi të madhe të godasë tokën dhe të shkaktojë dëme.
Rreth 66 milionë vite më parë, një përplasje e tillë i dha fund jetës së dinozaurëve në Tokë.
“Ky është hapi i parë për të parandaluar objektin që t’i afrohet Tokës”, thotë Jay Tate, drejtor i National Near Earth Objects Information Centre in Uells.
“Nëse funksionon do të jetë një arritje e madhe, pasi kjo do të thotë se kemi kapacitetin teknik për të mbrojtur veten”, shton ai.
