Tre të rinj nga Lezha të cilët transportonin 8. 7 kg lëndë narkotike Canabis Sattiva me mjetin e tyre tip Benz kanë përfunduar në lumin Buna pas tentativës për t`iu larguar policisë së Shkodrës, të cilët u vunë në ndjkje të tyre.
Por kjo përpjekje për t’i shpëtuar ligjit ka përfunduar keq për tre të rinj, të cilët janë arrestuar nga policia e Shkodrës.
Gjatë operacionit të koduar “GOLD RUSH” në pranga kanë përfunduar: Bertjan Pepkola, 24 vjeç; Aldo Përleka, 22 vjeç dhe Xhulio Përleka, 23 vjeç, të tre nga Lezha.
Policia kishte marrë informacione për këtë lëvizje, ndaj u vunë në ndjekje në fshatin Zues, të një automjeti tip “Benz” me targë LE 7958 A.
Mjeti drejtohej nga 23-vjeçari Xhulio Përleka, i cili në tentativë për t’i ikur policisë është aksidentuar. Makina ka dalë nga rruga dhe është përmbysur e ka përfunduar në lumin Buna.
Policia njoftoi se tre të rinjtë u transportuan në spitalin rajonal Shkodër, ku morën ndihmën e nevojshme mjekësore dhe më pas u dërguan në paraburgim pa dëmtime serioze.
Gjatë kontrollit të ushtruar në mjet u gjet një sasi prej 8.5 kg lëndë e dyshuar narkotike cannabis-sattiva, dhe së bashku me mjetin u sekuestruan në cilësinë e provës materiale.
Sakaq, materialet në ngarkim të tre të rinjve i kaluan Prokurorisë së rrethit pë procedim të mëtejshëm penal.
