Policia e Beratit, ka vënë nën hetim 6 të mitur pasi u kapën në flagrancë duke shkatërruar ambientet e një kopshti.
Mësohet se 6 të miturit, të moshave 14 dhe 15 vjeç shkatërruan ambientet e kopshtit me qëllim vjedhjen e sendeve brenda tij.
“Specialistët e Seksionit për Krimet proceduan penalisht 6 shtetas të mitur, të moshave 14 dhe 15 vjeç, të gjithë banues në Berat, pasi u kapën në flagrancë nga shërbimet e policisë duke shkatërruar ambientet e një kopshti me qëllim vjedhjen e sendeve të tij”, thotë policia.
Materialet u referuan në Prokurorinë e Rrethit Gjyqësor Berat për veprime të mëtejshme.
