Ngjarja horror e dy netëve më parë në fshatin Greçali të Fierit, ka tronditur opinionin publik. Në rrjet ka nisur ndërkohë solidarizimi ku ju bëhet thirrje të gjithë qytetarëve që të bashkohen ditën e premte në orën 18:00 para kryeministrisë për të ‘Ndezur një qiri për Mateon 8-vjeçar’.
Kujtojmë që Mateo vetëm 8-vjeç u vra në mënyrë monstruoze nga fqinji i tij Klodian Çalamani, ngjarje e cila ka bërë që të ngrihet në këmbë i gjithë oponioni shqiptar madje të nisin edhe thirrjet për të rikthyer dënimin me vdekje.
Vetë familjarët e Mateos kanë nisur sot mbledhjen e firmave për t’i kërkuar kryeministrit Edi Rama dhe Kuvendit të Shqipërisë për t’i dhënë dënimin maksimal monstrës Klodian Çalamani.
