44-vjeçari, Mirko Tonkov me origjinë polake ditën e djeshme u arratis nga spitali Covid, ku kurohej për shkak të infektimit me koronavirus dhe shkoi në banesën ku jetonte ish-familja e tij.
Në momentin që mbërrin në banesë, djali 10-vjeçar Mattias, ka qenë ai i cili ka hapur derën.
Ky ka qenë edhe momenti fatal për vogëlushin pasi babai e ka goditur me thikë në qafë duke e lënë të vdekur në vend. Më pas 44-vjeçari është arratisur.
Ngjarja tronditëse ka ndodhur në Cura di Vetralla, në provincën e Viterbos në Itali, ndërsa mediat italiane kanë publikuar edhe foto e familjes.
Në momentin e krimit, nënë shqiptare Mariola Rapaj 32 vjeç, nuk ishte në banesë. Ajo e gjeti vogëlushin që kishte me babain monstër, të vdekur dhe të mbytur në gjak.
Raportohet se Mirko Tonko, kishte një urdhër që të mos i afrohej familjes, pas konflikteve për divorcin.
