Vendosja e “green pass” për të hyrë në bare dhe restorante nuk do të japë efekte pozitive në uljen e rasteve Covid-19. Ky është qëndrimi i epidemiologut të njohur Ilir Alihemmeti, sipas të cilit vendosja e “green pass” është njv rregull administrativ, për të cilin Shqipëria nuk është se shquhet përsa i pvrket kontrollit apo zbatimit.
Alimehmeti mendon se aplikimi i një mase të tillë mund të ketë efekt të kundërt se disa grup-mosha.
“As në shtete që shkëlqejnë në këtë aspekt, pra zbatimit të rregullave administrativë, sikundër ishte Franca, nuk ia dolën që të vendosin kontroll me green pass. Pati në fillim rritje të rasteve, më pas erdhi ulja natyrore”, shprehet ai.
Alimehmeti ka këshilluar vazhdimisht autoritetet shëndetësore në aplikimin e masave që japin efekt, duke kërkuar respektimin e tyre veçanërisht në ambientet e mbyllura, apo në transportin urban.
Shqipëria prej muajsh duket se po përballet me një valë të Covid-19, ku shifrat e raportuara si raste të reja janë me një mesatare prej 550 raste në ditë, ndërkohë që muaji tetor regjistroi numrin më të lartë sa i takon humbjes së jetëve njerëzore të deklaruara zyrtarisht nga Qeveria.
Komiteti Teknik i ekspertëve nuk ka ndryshuar masat anti-Covid, por hera herës janë paralajmëruar ndryshime, që nisnin nga vaksinimi i detyruar, për të cilin Qeveria u tërhoq lidhur me studentët, pas reagimit të këtyre të fundit, apo aplikimin e “green pass”.
