Policia italiane ka vënë ë pranga dy vëllezër shqiptarë të moshës 33 dhe 35 vjeç, pasi shisnin kokainë në Itali.
Mediat italiane raportojnë se xhiroja e tyre llogaritet gjysmë milioni euro duke pasur parasysh rrjetin e klientëve që kanë blerë doza kokaine prej 100 eurosh.
Dyshja kishte disa shtëpi dhe garazhe në dispozicion midis Schio dhe Santorso për të kryer aktivitetin e paketimit.
Gjatë hetimeve, policia ka dëgjuar nga klientë të ndryshëm dhe ka konstatuar se tregtarët e drogës, për të ndërtuar besnikërinë e tyre, u ofronin edhe doza falas .
Gjatë kontrollit u gjetën rreth 640 gramë kokainë e pastër, 4000 euro cash dhe 700 paund.
